Goizean ikasleek tailer ezberdinetan parte hartu zuten; karaokea, mahai jolasak eta eskulanak.
Gero Axunek prestatutako txokolate goxua gosaldu eta indarrak hartuta herriko kaleetatik kalejiran ibili ginen.
Eskolako saskien irabazleak Maribi eta Haran izan ziren, ZORIONAK!
Guraso elkarteak antolatutako bazkariarekin borobildu genuen eguna.
Euskaraldia eta euskararen nazioarteko egunaren arira eskolan hainbat jarduera egin ditugu.
"Guk euskaraz zuk zergatik ez?" kantarekin bideoa grabatu dugu eta Photocall-an argazki politak atera ditugu, ikusi ikusi!
Hiruhilabete osoan zehar izaki bizidunen inguruan ikasi dugu. Gaztelaniarako aurkezpen bat prestatu dugu, ikusi-ikusi!!
Eskola hasi zenetik bi hilabete pasatu dira. Bitartean, eskolan hainbat esperientzia bizitu, elkar ezagutu eta taldean gure lekua bilatzen ari gara. Ze ezberdinak eta politak garen denak!
Joan den ortziralean eskolako ikasle eta irakasle guztiak Bertizko parkera joan ginen. Parkeak antolatutako udazkeneko eskolen kanpainan parte hartu eta urtaro honek eskainitako ikuskizun ederraz gozatu ahal izan genuen.
Astea ongi bukatzeko, gaztain jatea izan dugu eskolan. Miguelek gaztainak erre eta gosari goxoa antolatu dugu eskola atarian. Eskerrik asko Miguel!
BUELTAN DIRA BERTIZARANAKO LANDA ESKOLEN TAILERRAK
2022-2023 ikasturtea hastearekin batera, gure ikasleak normaltasunera itzuli dira.
Azken bi ikasturteotan jasandako pandemia dela medio, bertan behera geratu ziren Narbarte eta Legasako irakasleek antolatzen zituzten tailerrak, eta berreskuratzeari ekin diote aurten.
Eskualdeko eskola txikietako ikasleen arteko harremanak sustatzeko eta ikastetxera DBH burutzeko egiten duten ikastetxe aldaketa errazteko antolatzen dira tailer hauek.
Iraila eta ekaina bitarte elkartuko dira 3., 4., 5. eta 6. mailako neska-mutilak Legasako landa eskolan asteazkenero, Euskara, Gorputz Hezkuntza, Musika eta Ingelesa arloak ikasteko.
Urrian arratsaldeko estraeskolarrekin hasi gara.
