Joan den ortzegunean azken eguneko jaialdia ospatu genuen. Goiz erdian, familiak ikasleek prestatutako ikuskizun ezberdinak ikustera gonbidatu genituen eta bukaeran, guraso elkarteak antolatuta pikoteoa izan genuen. Sorpresaz beteriko goiza izan zen. Ander eta Naroa agurtu genituen datorren ikasturtean Doneztebeko institutora joango baitira. Zorte on zuen ibilbide berrian!
BIDEOAK
Gaur Doneztebeko liburutegia bisitatzera joan gara. Bi txanda egin ditugu eta Margak ipuin ezberdinak aurkeztu eta kontatu dizkigu. Etxera mailegutzak egiteko txartel banarekin joan gara. Goiz polita pasatu dugu!
Aste honetan bero handia egin du eta kanpora ateratzeko aprobetxatu dugu. Herriko erreketan frexkatu gara eta 1.eta 2.mailakoak Donezteben erosketak egin eta gero gelan crep goxoak prestatu dituzte.
Hiru ortziraletan, gelako ateak ireki eta ikasleak eskolatik barrena zirkulazio autonomoan ibili dira. Haurrak nora joan nahi duten, zertan jolastu nahi duten eta norekin aukeratzen dute. Esperientzia honen helburua iniziatiba propioa bultzatzea da.
Hasieran kokatzea eta martxa hartzea kostatu zitzaigun arren, martxa hartu diogu eta esperientzia aberasgarria izan da.
Ortzegunean, Bertizko parkeak antolatutako "Eskolen programan" parte hartu genuen.
Eskolako txikienek, lorategia bisitatu zuten eta koxkorrenek, lehenengo basoa bisitatu eta ondoren lorategian pisten jolasan aritu ziren
Gero, denak elkarrekin etxetik ekarritako bazkaria jan eta goiza bertako parkean bukatu genuen.
Maiatzaren 24tik 25era Haur Hezkuntzako ikasleak eta LH1,2,3 eta 4.mailakoak, Zugarramurdira joan ginen kanpaldira. Eguraldiak gehiegi lagundu ez bazuen ere ederki pasatu genuen!
Gelara animalitxoak ekartzen ditugunean berezia izaten da. Interesa, zirrara, motibazioa eta galderak izaten dira nagusi. Ea sorgin orratzaren metamorfosia ikusteko aukera dugun...
Gaur izan dugu azken eskola eguna aste saindutako oporren aintzinetik. Egun berezia izan da. Ikasle zaharrenak bizikleta hartu eta Sunbillako lagunak bisitatzera joan dira. Bertze ikasleak berriz, patio eta geroko saioetan eskolan zehar zirkulazio librean ibili dira; Saltogelan, filma ikusi eta palomitak jaten, mahai jolasetan eta esku lanetan. Gustora egon dira denak!
Ongi pasa oporretan!
Gaur, Apirilak 8 (ostirala) korrika ttikia egin dugu herrian. Gelaka herriko gune ezberdinetan banatu gara eta plazan aperitibo goxo batekin amaitu dugu besta. Eskerrik asko hurbildu zareten guztiei. AUPA KORRIKA!
Behitiko estekan klikatuta korrikako abesti ofizialarekin egindako bideo muntaia duzue.
MARTXOAK 31.
Martxoaren 31, trasnsexualitatearen ikusgarritasunerako nazioarteko eguna da, guk ere errealitate hori ikusi, ulertu eta besteei ulertzen lagundu nahi diegu. Euskal Herrian lan handia egiten ari dira gai honen inguruan, NAIZEN elkartea da faimiliei laguntza ematen dienetako bat.
Guk ere gure ekarpen txikia egin nahi izan dugu.
Emakume langilearen nazioarteko eguna ospatzeko, emakume jator eta langile bateri bisita egin diogu.
Eskerrik asko Lurdes!
Joan den ortziralean (Martxoak 4) eskolan iñauteriak ospatu genituen.
Euskal Herriko iñauterietako pertsonai ezberdinez mozorratu eta gero, handien gelakoek ikasle eta irakasle guztientzako gosari goxoa prestatu zuten.
Indarrak hartu eta kalejiran herritik barrena frontoira joan eta bertan jolas ezberdinak egin eta dantzatu genuen.
Joan den igandean, eskolako guraso elkarteak antolatuta zuhaitzaren eguna ospatu zuten.
Eguraldiak lagundu zuen eta bai guraso eta haurrek primeran pasatu zuten.
