Ortzegunean (Azaroak 16) Eskolako IV. Azoka eguna ospatu genuen.
Azkeneko bi ostegunetan 3.zikloko ikasleak erresilientziaren inguruko hitzaldi bat jaso dute. Erresilientzia, arazo eta ezbeharrei aurre egiteko pertsonek duten ahalmena da eta dinamika ezberdinen bitartez elkarbizitzaren inguruan hausnartzeko tartea izan dute.
Aurreko astean bildutako gaztainak aurten ere Miguelek erre ditu. Gaztainekin batera, udazkeneko bertze fruituak dastatu eta lagun artean gosari goxoaz disfrutatu dugu.
Eskolatik eskerrak eman nahi dizkiogu Migueli!
Ortzegunean, eguraldi ederra egiten zuela aprobetxatuz, eskolako irakasle eta ikasleak gaztainak biltzera joan ginen. Egun batzuz, bildutako gaztainak lehortzen utzi eta hurrengo astean erreko ditugu.
Ikasturtero bezala, joan den asteazkenean gure eskolan tailerrak hasi ziren. Asteazkenero Narbarteko 3,4,5 eta 6.mailako ikasleak etorriko dira eta ingelera, gorputz hezkuntza eta musikako ikasgaiak izango dituzte. Helburu akademikoez gain ikasleak adinka elkartu eta harremanak sendotzea lortu nahi da.
